ताप्लेजुङको दोभान बजारमा आगलागी घरमा धेरै क्षेती

युग संवाददाता 1172 पटक पढिएको

ताप्लेजुङ १८ फागुन, । ताप्लेजुङको दोभान बजारमा आगलागी हुँदा चालीस बढी घर जलेर नस्ट भएका छन् । बिहान करिब ९ बजे देखि सुरु भएको आगलागी अझै नियन्त्रणमा आउन सकेको छैन ।

आगो नियन्त्रणको प्रयास भइरहेको ताप्लेजुङ जिल्ला प्रहरी कार्यालयका प्रमुख डिएसपी बालनरसिंह राणाले बताए । उनका अनुसार स्थानीयले चालीस घर जलेको जानकारी प्रहरीलाई दिएको बताए ।

आगो निभाउन ताप्लेजुङ नगरपालिकाको दमकल प्रयोग गरिएको छ । ताप्लेजुङबाट दोभान बजार पुग्न गाडीमा करिब एक घण्टा लाग्छ ।

आगलागीको कारण खुलेको छैन । आगोले पुर्याएको क्षतिको विवरण पनि आउन बाँकी रहेको उनले बताए ।

दोभान ताप्लेजुङ जिल्लाको दोस्रो ठूलो बजार हो । दोभान बजारमा एक सय जति घरहरु रहेको स्थानीय बताएका छन् ।

मङ्गलबार १८, फागुन २०७७ १२:१२ मा प्रकाशित