काठमाडौं । सरकारले ल्याएको दुई अध्यादेशबारे छलफल गर्न प्रमुख प्रतिपक्षी दल नेपाली कांग्रेसको पदाधिकारी बैठक आज विहान देउवा निवासमा सुरु भएको छ ।
राजनीतिक दलसम्बन्धी दोस्रो संशोधन अध्यादेश र संवैधानिक परिषदसम्बन्धी पहिलो संशोधन अध्यादेशबारे छलफल गर्न मंगलबार विहान ९ बजे पदाधिकारी बैठक बोलाइएको पार्टी प्रवक्ता विश्वप्रकाश शर्माले बताए । उनले दिएको जानकारी अनुसार पार्टी बैठक सभापति शेरबहादुर देउवाका निवास बूढानीलकण्ठमा पदाधिकारी बैठक बसिरहेको बताए ।
सरकारले जारी गरेका दुवै अध्यादेश राष्ट्रपतिबाट प्रमाणीकरण भएर नेपाल राजपत्रमा प्रकाशित भइसकेको छ । यसबाट नेपाली राजनीतिमा ठूलै हलचल मच्चिएको छ । सत्तापक्ष नेकपा भित्रै ठुलो मतभेद विरोध भईरहेको छ ।
प्रतिकृया दिनुहोस