भोटेकोशीले बगाएको बेलिब्रिज तत्काल पुनःनिर्माण गर्न सांसद आचार्यको माग

Yugnepal 577 पटक पढिएको

रसुवा । नेपालको उत्तरी क्षेत्र र चीनको तिब्बतमा अविरल वर्षा हुँदा आइतबार राति रसुवाको भोटेकोशीमा आएको ठूलो बाढीले बगाएको बेलिब्रिज तत्काल पुनःनिर्माण गरी आवतजावतमा सहयोग पुर्याउन सांसद मोहन आचार्यले सरकारसंग आग्रह गरेका छन् ।

नेपाली कांग्रेस रसुवाका सांसद आचार्यले सरकारलाई बाढीले भत्काएको संरचना तत्काल पुनःनिर्माण गरी आवतजावतमा सहज गराउन आग्रह गरेका हुन् ।

आइतबार राति एक्कासी आएको बाढीले टिमुरे भन्सार कार्यालयबाट रसुवागढी जलविद्युत् आयोजनातर्फ जाने बेलिब्रिज बगाएको हो ।

थुप्रै भौतिक संरचनामा क्षति पुगेको छ ।

सोमबार ०२, भदौ २०७६ ०२:०९ मा प्रकाशित