सुदूरपश्चिम प्रदेश सरकारलाई  पत्रकार महासंघ, कैलाली शाखा द्धारा धन्यवाद  व्यक्त

नेपाल पत्रकार महासंघ, कैलाली शाखाले संचारगृहका लागी राहत उपलब्ध गराएकोमा सुदूरपश्चिम प्रदेश सरकारलाई धन्यवाद दिएको छ । 
 प्रेस विज्ञप्ती जारी गर्दै महासंघ कैलाली शाखाले संचारगृहका लागी राहत स्वरुप ३४ लाख ५५ हजार रकम निकास गरेकोमा प्रदेश सरकारप्रति धन्यवाद ब्यक्त गरेको हो ।
 कोरोनाले थलिएको संचारगृहका लागी राहत उपलब्ध गराउनु स्वागतयोग्य रहेको शाखा सचिव मिन ठकुरीद्धारा जारी  प्रेशविज्ञप्तीमा उल्लेख गरीएको छ ।
 यस्तै पत्रकार महासंघ कैलाली शाखाले संचारगृह र श्रमजीवी पत्रकारका लागी राहत प्याकेज ल्याउन पटक पटक गरेको आग्रहलाई सम्बोधन हुने गरि प्रदेश सरकारले राहत ल्याउनु सुखद रहेको भन्दै श्रमजीवी पत्रकारहरुका लागी थप राहत उपलब्ध गराउन पुनः आग्रह गरेको छ । उक्त राहत सिधै मिडिया हाउसले प्राप्त गर्ने ब्यवस्था मिलाउन पनि महासंघले माग गरेको छ । प्रदेश सरकारले यस प्रदेशका संचारगृहका लागी राहत उपलब्ध गराउने निर्णय गरेको हो ।