एम्बाप्पेलाई रातो कार्ड, नेयमारको गोल खेर, फ्रेन्च कपमा रेनेसको कब्जा

खेलकुद

एम्बाप्पेलाई रातो कार्ड, नेयमारको गोल खेर, फ्रेन्च कपमा रेनेसको कब्जा 

काठमाडौं । फ्रेन्च कप फुटबलको उपाधि रेनेसले जितेको छ । स्टार खेलाडीहरुले भरिएको पेरिस सेन्ट जर्मेन पीएसजीलाई स्तब्ध पार्दै रेनेसले उपाधि उचालेको हो । शनिबार राति घरेलु मैदानमा भएको खेलमा रेनसले उपाधि जितेको हो । 

लगातार चार पटक उपाधि जितेको पीएसजीलाई स्तब्ध पार्दै उपाधि उचाल्ने क्रममा रेनेस पेनाल्टी सुटआउटमा ६–५ गोलले विजयी भएको हो । 

विश्वकपका युवा फ्रेन्च स्टार केलियन एम्बाप्पेले रातो कार्ड खाएको खेल निर्धारित तथा अतिरिक्त समयमा २–२ गोलको बराबरीमा सकिएपछि पेनाल्टी सुटआउटमा निर्णायक बनेको थियो । 

२–० ले अग्रता लिएर पनि पीएसजीले हार बेहोरेको हो । १३ मिनेटमै डानी एल्भेस र २१ औं मिनेटमा नेयमारले गोल गरेका थिए । 

फाइनल खेलमा गत जनवरीदेखि मैदान बाहिर रहँदै आएका नेयमार पहिलो रोजाइमा मैदानमा छिरेका थिए । 

४० औं मिनेटमा प्रिन्सेल किम्पेम्बेले आत्मघाती गोल गरेपछि रेनेसले अन्तर २–१ को बनायो । ६६ औं मिनेटमा सिटोईले गोल गर्दै खेल बराबरीमा ल्याएका थिए ।

९० मिनेटसम्म २–२ को बराबरी भयो भने अतिरिक्त समयमा गोल भएन । तर ११८ औं मिनेटमा एम्बाप्पेले रातो कार्ड खाए । उनले खराब ट्याकल गरेका थिए । 

फ्रेन्च लिगको उपाधि भने पीएसजीले पाँच खेल अघि नै जितेको छ ।