सिन्धुपाल्चोको भोटेकोशीमा पहिरो घर बगाउँदा पाँच जना बेपत्ता

Yugnepal 729 पटक पढिएको

फाइल–बाह्रबीसे बाढीपहिरो ।

सिन्धुपाल्चोक । बुधबार राति परेको अविरल वर्षाका कारण खसेको पहिरोमा परी सिन्धुपाल्चोक, भोटेकोशी गाउँपालिका–४ फुल्पिङकट्टीको माथिल्लो भेगमा दुई घर बगेको छ भने पाँच जना बेपत्ता भएका छन् ।

राति १ः३० बजे वर्षासँगै झरेको पहिरोमा घर परेको भोटेकोशी गाउँपालिका उपाध्यक्ष दाबुटी शेर्पाले जानकारी दिए ।

पहिरोमा परी दुई घरका पाँच जना बेपत्ता भएको जानकारी प्राप्त भएको जिल्ला प्रहरी कार्यालयका प्रहरी निरीक्षक रामचन्द्र घिमिरेले बताए । प्रहरी घटनास्थलमा अझै पुग्नसकेको छैन ।

यसअघि गएको हप्ताको बुधबार राति बाह्रबिसेमा गएको पहिरोमा परी दुई जनाको ज्यान गएको थियो भने २० जना बेपत्ता भएका थिए ।

बेपत्ता अहिलेसम्म भेटिएका छैनन् । खोलाले बगाएर लगेको हुन सक्ने आशंकासमेत गरिएको छ ।

बिहिबार ०१, साउन २०७७ १२:२१ मा प्रकाशित