विश्व बैंकले नेपाल सहित सात देशहरुलाई आर्थिक कठिनको सूचिमा राख्यो

 विश्व बैंकले कोरोना भाइरस महामारीका कारण चालू आर्थिक वर्षमा नेपाल लगायत दक्षिण एशियाका देशहरूमा आर्थिक वृद्धि सबैभन्दा खराब हुने बताएको छ । यसले विगत ३० बर्षको रेकर्ड तोड्ने बताइएको छ । विश्व बैंकले दक्षिण एशियाको अर्थव्यवस्थामा आधारित एक रिपोर्टमा दक्षिण एसियाका आठ देशहरूमा अप्रिल १ देखि सुरु हुने आर्थिक वर्षको आर्थिक वृद्धि १।८ प्रतिशत देखि २।८ प्रतिशत हुने बताइएको छ । ६ महिना अघि ६।३ प्रतिशत अनुमान गरिएको थियो ।
कोरोना संकटको कारण श्रीलंका, नेपाल, भुटान र बंगलादेशको आर्थिक स्थिति घट्ने विश्व बैंकको रिपोर्टले अनुमान गरेको छ । यसमा पनि पाकिस्तान, अफगानिस्तान र माल्दिभ्समा धेरैनै मन्दी आउने अवस्था देखिएको छ । विश्व बैंकले यो रिपोर्ट सबै देशहरूको ७ अप्रिल सम्मको डाटामा आधारित रहेको उल्लेख गरेको छ । रिपोर्ट अनुसार कोरोना संक्रमण रोक्नका लागि गरिएका उपायहरूले दक्षिण एशियाभरि आपूर्ति श्रृंखलामा असर पारेको छ ।

बैंक तथा सरकारहरूको धेरै प्रयास
विश्व बैंकको रिपोर्टले बैंक र सरकारहरूले कोरोनाको आर्थिक प्रभावलाई कम गर्न थुप्रै कदमहरू चालेको बताएको छ । बेरोजगार आप्रवासी मजदुरहरूका लागि सरकारले धेरै घोषणाहरू गरिसकेको छ भने बैंकहरूले ब्यापार र व्यक्तिगत कर्जामा धेरै राहत दिएका छन् । छिमेकी राष्ट्र भारत सरकारले लकडाउनबाट प्रभावितहरूलाई सहयोग र्पुयाउन १।७ करोडको राहत प्याकेज घोषणा गरेको छ । यसैगरी पाकिस्तानले ४५ हजार करोड रुपैयाँको प्याकेज घोषणा गरेको छ । विश्व बैंकका अधिकारी हर्त्विज शेफरले उक्त रिपोर्टमा दक्षिण एसियाका देशहरुका सरकारले भाइरसको संक्रमण रोकथाम गर्न र जनताको सुरक्षामा ध्यान केन्द्रित गर्नु पर्ने उल्लेख भएको बताएका छन् । अझ विशेष गरी यस्ता गरिब व्यक्तिलाई ध्यान दिनुपर्दछ जसको स्वास्थ्य र आर्थिक अवस्थाले महामारीलाई असर गरेको छ । जसमा भारत, श्रीलंका, बंगलादेश, भुटान, नेपाल, पाकिस्तान, माल्दिभ्स र दक्षिण एशियाको अफगानिस्तान समावेश छन् । बैंकिङ खबरबाट साभार ।