सामुदायिक विद्यालयमा स्वास्थ्य तथा नर्सिङ सेवा शुरु

धनगढी उपमहानगरपालिकाले नगरका १८ वटा सामुदायिक विद्यालयहरूमा स्वास्थ्य तथा नर्सिङ सेवा कार्यक्रम सुरु गर्ने भएको छ ।
बुधवार नेपाल सरकार स्वास्थ्य सेवा बिभाग सामाजिक सुरक्षा महाशाखा, धनगढी उपमहानगरपालिका र सम्वन्धीत विद्यालयबीच स्वास्थ्य तथा नर्सिङ सेवा कार्यक्रम सञ्चालनका लागि सम्झौता भएको छ ।
उपमहानगरपालिकाका उपप्रमुख तथा विद्यालय स्वास्थ्य समन्वय समितिका संयोजक सुशीला मिश्र भट्टले स्वास्थ्य तथा नर्सिङ सेवा कार्यक्रम अन्तरगत विद्यालयमा स्टाफ नर्स भर्ना गरिने बताइन् । उनले भनिन्– स्टाफ नर्सले विद्यालयमा प्रजनन् स्वास्थ्य तथा सरसफाईका बारेमा विद्यार्थीलाई सिकाउने छन् । यसले महिनाबारी सरसफाईका बारेमा समेत छात्राहरूले थाहा पाउने छन् ।
सो अवसरमा धनगढी उपमहानगरपालिका प्रमुख नृपबहादुर वडले पहिलो चरणमा धनगढीका १८ वटा माध्यमिक तहका विद्यालयमा स्वास्थ्य तथा नर्सिङ सेवा कार्यक्रम संचालन गरिएको र बा“की विद्यालयमा चा“डै कार्यक्रम थप गरिने बताए ।
उनले भने– पहिलो चरणमा छात्राहरूको संख्या बढी भएका विद्यालयहरू छनौटमा परेका छन् ।
नगर प्रमुख वडले यस कार्यक्रमबारे छनौटमा परेका विद्यालयका प्रधानाध्यापकहरूसंग समेत छलफल गरिएको बताए ।
सो अवसरमा धनगढी उपमहानगरपालिकाका प्रमुख प्रशासकिय अधिकृत नारायण प्रसाद सापकोटाले धनगढीमा २६ वटा माध्यमिक विद्यालय रहेको र पहिलो चरणमा नपरेका विद्यालयमा चा“डै कार्यक्रमका लागि समेटिने बताए ।