पुषे १५ मा धनगढीमा प्रथम सुदूरपश्चिम स्पोर्टस अवार्ड हुने

धनगढी, १६ मंसिर  स् धनगढीमा प्रथम सुदूरपश्चिम स्पोर्टस अवार्ड २०७६ आयोजना हुने भएको छ । पुष १५ मा खेलकद पत्रकार मञ्च कैलालीले स्पोर्टस अवार्ड आयोजना गर्ने लागेको हो ।
पहिलो पटक हुने स्पोर्टस अवार्डले खेलकुदका माध्यमबाट राष्ट्रको प्रतिष्ठा बढाउका साथै सम्भावना बोकेका खेलाडी, प्रशिक्षक र खेलप्रेमीहरुलाई आगामी दिनमा देशको नाम अन्तराष्ट्रिय जगतमा चिनाउन उत्प्रेरणा प्रदान गर्ने खेलकद पत्रकार मञ्च कैलालीका अध्यक्ष सीताराम ओझाको भनाई छ ।
अवार्डमा सुदूरपश्चिमको प्रतिनिधित्वगर्दै राष्ट्रिय तथा अन्तराष्ट्रिय प्रतियोगितामा सहभागीता जनाएर पदक जित्न सफल खेलाडी, प्रशिक्षक र खेलकुद क्षेत्रमा लागेकाहरुको योगदानलाई उच्च कदर हुने छ
बर्ष पुरुष खेलाडी, बर्ष महिला खेलाडी, बर्ष युवा खेलाडी, बर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने मञ्चले धनगढीमा पत्रकार सम्मेलन गरी जानकारी दिएको हो ।
चार वटा विधाका विजेतालाई नगद २५ हजार सहित ट्रफी र मेडल प्रदान गरिने छ । यस्तै स्पेशल अवार्ड र लाईफ टाईम एचिभमेन्ट अवार्ड पाउनेलाई १० हजार सहित ट्रफी र मेडल प्रदान गरिने छ । अवार्ड विभिन्न ६ विधामा दिईने छ । अवार्डमा साढे ३६ लाख बढी रकम खर्च लाग्ने आयोकले जानकारी दिएको छ ।