धनगढी– राष्ट्रिय परीक्षा बोर्डले कक्षा ११ को परीक्षा विद्यालयबाट सञ्चालन गरेको निर्णयसंगै विद्यालयहरु पनि आफ्नो तयारी गर्न थालेका छन् । पहिलो पटक विद्यालय बाट हुन लागेको कक्षा ११ को परीक्षा आशिंक र नियमित विद्यार्थीहरुका लागि छुट्टाछुट्टै सञ्चालन हुने छ ।
राष्ट्रिय परीक्षा बोर्डले आगामि असोजको दोस्रो हप्ता सम्ममा कक्षा १२ को परीक्षा सञ्चालन गर्ने सुचना जारी गरेको छ । राष्ट्रिय परीक्षा बोर्ड प्रदेश परीक्षा व्यवस्थापन कार्यालय धनगढीका अनुसार विद्यालयहरुले कक्षा ११ का विद्यार्थीहरुको आशिंक परीक्षा यस बर्षको १२ परीक्षा गर्नु अगाडि नै लिएर नतिजा प्रकाशन गरी सक्नुपर्ने छ । राष्ट्रिय परीक्षा बोर्ड सुदूरपश्चिम प्रदेश कार्यालयका प्रमुख उत्तमदेव विष्टले भने । ‘कक्षा ११ को आशिंक र नियमित विद्यार्थीको परीक्षा छुट्टाछुट्टै गर्नुपर्ने छ । आशिंक परीक्षा दिने विद्यार्थीहरुको यस बर्षको कक्षा १२ को परीक्षा अगाडि अनिवार्य रुपमा गर्नुपर्ने छ भने नियमितको पुष सम्म आफ्नो अनुकुल समयमा गर्नुपर्नेछ ।’ यद्यपी परीक्षा कार्यातालिका भने सार्वजनिक गरेको छैन् ।
कोरोना भाईरस ९कोभिड–१९० को संक्रमण सिर्जित लकडाउनका कारण प्रभावित बनेका परीक्षा नयाँ कार्यविधि नै जारी गरी सञ्चालन गर्ने तयारी गरेको छ । कक्षा ११ परीक्षा सञ्चालनका लागि विद्यालयका प्रधानाध्यापकको अध्यक्षतमा ३ सदस्य समिति गठन पर्नेछ । यस समितिमा कक्षा शिक्षक, र प्रहले मनोनित एक जना शिक्षक बस्नुपर्ने निर्देशिकामा उल्लेख गरेको छ । नियमित विद्यार्थीहरुको हकमा परीक्षा सञ्चालन देखि नतिजा प्रकाशन सम्म विद्यालयले नै गर्ने पर्ने छ । आशिंक विद्यार्थीहरुको हकमा भने विद्यालयले परीक्षा सञ्चालन गरेपछि राष्ट्रिय परीक्ष बोर्डमा पठाउनु पर्ने निर्देशिकामा उल्लेख गरेको बोर्डका सुदूरपश्चिम कार्यलय प्रमुख उत्तमदेव विष्टले जानकारी दिए ।
विद्यालयलहरुले आफ्नो अनुकुल हेरी स्वास्थ्य सुरक्षा मापदण्ढ मिलाएर गर्नुपर्नेछ । ‘विद्यालयलहरुले परीक्षा गर्नु अघि कार्यतालिका बोर्डलाई बुझाउनुपर्ने छ’ विष्टले अगाडि भने । ‘त्यसपछि बोर्डले परीक्षाको अनुगमन समेत गर्ने छ ।’
प्रदेश परीक्षा बोर्डको कार्यालय धनगढीका अनुसार सुदूरपश्चिममा यस बर्ष कक्षा ११ मा ५३ हजार ९७ विद्यार्थीहरु सहभागि हुने छन् । कक्षा १२ मा सुदूरपश्चिममा ४१ हजार ८ सय २ जना विद्यार्थीहरु सहभागि हुने छन् ।
प्रतिकृया दिनुहोस