निजामति कर्मचारी बने फ्रान्समा प्रधानमन्त्री

Yugnepal     375 पटक पढिएको    

निजामति कर्मचारी बने फ्रान्समा प्रधानमन्त्री

पेरिस । फ्रान्सका राष्ट्रपति इम्यानुएल म्याक्रोँले निजामति कर्मचारीको उच्च अधिकारीका रूपमा काम गरिसकेका जाँ कास्टेक्सलाई शुक्रबार नयाँ प्रधानमन्त्रीमा नियुक्त गरेका छन् ।

प्रधानमन्त्री एडुअर्ड फिलिपले राष्ट्रपति समक्ष शुक्रबार राजीनामा दिएपछि उनको स्थानमा काटेक्सलाई नियुक्त गरिएको हो ।

नगर निर्वाचनमा वातावरण पक्षधर समूहको बहुमतसँगै सरकारमा नयाँ समूहको आवागमनको अनुमानहरू गरिएका थिए । राष्ट्रपतिको सत्ताधारी दल द रिपब्लिक अन द मुभ पार्टीलाई सन् २०१७ पछि मार्चमा भएको नगरहरूको निर्वाचनमा कुनै पनि प्रमुख शहरमा सफलता मिलेको थिएन ।

फिलीप र उनको सम्पूर्ण समूहले सरकारबाट शुक्रबार नै राजिनामा दिइसकेको छ । राष्ट्रपतिले आगामी सरकारलाई महामारीका कारण आएको आर्थिक सङ्कटसँग जुझ्न तयारी गरिरहेका भनाइहरू राजनीतिक विश्लेषकहरूले राख्दै आएका थिए ।

यसअघि, निवर्तमान् प्रधाानमन्त्री फिलीपले राष्ट्रपतिको अनुरोधमा नयाँ सरकार नबन्दासम्म कामचलाउ प्रधानमन्त्रीका रूपमा जिम्मेवारी सम्हाल्ने बताएको प्रधानमन्त्रीको सरकारी कार्यालय, एलिसीद्वारा जारी प्रेस विज्ञप्तिमा उल्लेख छ ।

स्थानीय निर्वाचनमा राष्ट्रपतिको दलले अनपेक्षित धक्का र राष्ट्रपतिका सुधारका कार्यक्रमको व्यापक विरोधबारे एक क्षेत्रीय पत्रिकाले लिएको अन्तवार्तामा धारणा राख्दै स्थानीय समय अनुसार बिहीबार राति राष्ट्रपति म्याक्रोँले आफ्नो प्रशासनको नयाँ चरणका रूपमा आर्थिक, सामाजिक तथा स्वास्थ्य चुनौतीहरूलाई समाधान गरेर अघि बढ्ने बताएका थिए।

नयाँ चरणमा स्वतन्त्रता, पुनः निर्माण, पुनः मिलन तथा नयाँ उपायहरूको लक्ष्यलाई प्रशासनको नयाँ नेतृत्वमार्फत अघि बढाइने अन्तर्वार्तामा उनले बताए  । नयाँ मार्गको नेतृत्वका नयाँ समूहको छनोट भइरहेको उनले बताएका थिए । तर उनले एडुअर्ड फिलीप र उनको मन्त्री परिषद्बारे प्रत्यक्ष केही बताएका थिएन् ।



शनिबार २०, असार २०७७ ०४:३६ मा प्रकाशित

प्रतिकृया दिनुहोस

Loading...


Yugnepal
Copyright © 2019 - 2024
Anubhabi Technologies Pvt. Ltd.