काठमाडौं । नेपाली कांग्रेसका सहमहामन्त्री डा प्रकाश शरणमहतले केपी शर्मा ओली नेतृत्वको सरकार जनताको दुःखप्रति बेखबर बनेको आरोप लगाएका छन् ।
सामाजिक संजाल मार्फत आफ्नो धारणा सार्वजनिक गर्दै पूर्व मन्त्रीसमेत रहेका डा महतले सरकारले केहि दिनयता देशभर बढिरहेको विरोध प्रदर्शनलाई राजनीति मिसिएर दमनमा उत्रिनु भन्दा किन जनतामा सरकारको खिलापमा असन्तोष बढिरहेको छ त्यतातिर गम्भीर बन्न सुझाव दिए ।
उनले सरकारको दमनकारी नीतिमा लागिरहेको भन्दै दमनकारी कुनै पनि नीति कांग्रेसलाई स्वीकार्य नहुने चेतावनी पनि दिएका छन् ।
नेता महतले अहिले विरोध प्रदर्शनमा उत्रिएका युवाहरूले सुरक्षित क्वारेन्टिन, रोजगारी, खर्चमा पारदर्शिता, नागरिकका दैनिक आवश्यकता र पीसीआर टेस्टको माग राखेको र ती सबै माग जायज भएको स्पष्ट पारेका छन् ।
नेपाली कांग्रेसका सहमहामन्त्री डा प्रकाश शरणमहतले सहमहामन्त्री महतले जायज मागहरू राखेर विरोधमा उत्रिएका सबैलाई मास्क र सामाजिक दूरी कायम गर्न पनि आग्रह गरेका छन् ।
प्रतिकृया दिनुहोस